9, 10, 11-ci sinif şagirdləri üçün ABB Riyaziyyat Yarışması

Bəli, ödənişsizdir. 

10 günlük intensiv riyaziyyat təlimlərində regionlardan gəlmiş iştirakçıların nəqliyyat və yerləşdirmə xərcləri təşkilatçılar tərəfindən qarşılanacaq. 

Bu proqram riyaziyyatın alqoritmləşdirilməsi və problem həll etmək bacarıqlarının inkişaf etdirilməsi üçün, bu sahədə ixtisaslaşmış beynəlxalq metodistlərin dəstəyi ilə hazırlanıb. Bu bacarıqlar rəqəmsal dövrün qabaqcıl istiqamətləri sahəsində uğur qazanmaq üçün olduqca vacibdir.

Proqram çərçivəsində şagirdlər ədədlər nəzəriyyəsi, ehtimallar nəzəriyyəsi, riyazi statistika, riyazi analizin başlanğıcı və həndəsəyə dair müxtəlif yeni biliklər qazanacaq, nəzəri və praktik problemlərin həlli bacarıqlarına yiyələnəcəklər.

Proqram əsasən riyaziyyat və texnologiyalara dərin həvəsi olan 10 və 11-ci sinif şagirdləri üçün nəzərdə tutulub. 

Lakin öz bacarıqlarına inanan 9-cu sinif şagirdləri də iştirak etməyə cəhd edə bilərlər. 

Yarışın birinci mərhələsində həlldə cavablar yalnız rəqəmlər və ya ədədlər ilə qeyd olunur (ədədləri göstərmək üçün "," və ya "." işarələrindən istifadə edilə bilər), ikinci mərhələsində isə cavabdan əlavə, ətraflı həll təqdim edilməlidir. Üçüncü mərhələ müsahibə formatında olacaq.

Seçimin ilk mərhələsi onlayn imtahan formatında keçiriləcək. İştirakçılara 10 sual veriləcək. Bu sualların hər biri rəqəm və/və ya hərf şəklində cavab tələb edəcək. İştirakçılara bu tapşırıqları bitirmək üçün 4 saat zaman veriləcək. Hər bir iştirakçının həllə başlamaq üçün yalnız 1 dəfə cəhd etmək şansı var.

İkinci mərhələnin imtahanı onlayn formatda, xüsusi müşahidə platformasının tətbiqi ilə təşkil ediləcək. Bu mərhələdə iştirakçılara 4 saat ərzində yerinə yetirilməli olan 5 tapşırıq veriləcək. Hər tapşırıq üçün ətraflı həll təqdim etmək lazım olacaq. 

Yarışın üçüncü final mərhələsi müsahibə formatında olacaq.

Seçim mərhələlərini uğurla keçmiş şagirdlər intensiv təlimlərə cəlb olunacaq. İntensivlər ABB Tech Akademiyanın Campusunda (Bayıl Plaza, Qurban Abbasov küçəsi, 29) təşkil olunacaq.

ABB Riyaziyyat Yarışı azərbaycan dilində keçiriləcəkdir.

Ərizələrin qəbulu və seçim mərhələsində suallarınızı Azərbaycan Beynəlxalq Bankının 937 nömrəli Məlumat Mərkəzinə və ya "ABB Innovation" sosial şəbəkələri (Instagram, Facebook, LinedIn) vasitəsi ilə ünvanlaya bilərsiniz. Tədris müddətində isə mentorlar və kurs koordinatorlardan ibarət komandamız sizi maraqlandıran bütün sualları cavablandıracaqlar.